القسم الادبي
باسم الحب
فاتت سنة واتنين
وجات التالتة
اخيرا جت
كنت بعد الايام والساعات
لا
كنت بعد الثوانى
مستنية اليوم ده من زمان
واهو جه اليوم المنتظر
يوم خطوبته
لا اقروا صح
مش خطوبتنا
خطوبته هو
كان المفروض اقول خطوبتنا
ماهو ده اللى كان هايحصل
فرحة وهيصة وشبكة
حب وافراح ولمة
فى ثانية ده كله اتحول
بقت فرحته هو
خطوبته هو
باع حبنا فى لحظة
باع قلب عمره ماحب غيره فى ثانية
قلب عاش يحلم بيه
ويتمنى يشوف عينيه
باعه باسم الحب
علشان بيحب باع وغدر
وعلشان بيحب خان وخطب
شفتوا بقى الحب عمل ايه
وشفتوا بقى الغدر عمل ايه
باسم الحب باع
باسم الحب خان
باسم الحب قتل قلب عمره ماخان
يا خسارة يا قلب
يا خسارة يا حب
